Quero celebrar unha festa cos meus amigos e, coa miña paga semanal, comprarei uns pasteis. Se compro un, quedaranme 0,85 €. Con todo, se quero comprar catro, faltaranme 2,15 €. Canto custa un pastel?
Nestas páxinas atoparás máis enigmas matemáticos como o de Alicia: breves, sinxelos e escritos con sentido do humor.
O grao de dificultade é alcanzable para todas aquelas persoas que posúan uns coñecementos equivalentes aos que adoitan impartirse no bacharelato. Para facilitar máis aínda a tarefa, Marie Berrondo Agrell ofréceche pistas, debuxos e rudimentos de teoría cun resumo de canto debes saber para atopar as solucións. E, agora, chegou o momento de empezar: toma un respiro, desconecta o computador, apaga a televisión, esquécete das túas preocupacións cotiás e arrinca a túa viaxe cara a un mundo dominado pola imaxinación e a diversión.