"Quero escribirche esta noite unha carta de amor", dille Katherine Mansfield ao amante que máis tarde se convertería no seu marido. A través das súas cartas, inéditas ata o de agora en castelán-do mesmo xeito que moitas outras que recolle este libro-, a súa voz máis íntima únese á doutras grandes escritoras que sentiron a urxencia.de revelar o inconfesable, o poder do desexo, a insoportable incerteza, a dor dunha paixón non correspondida ou a inmensa felicidade de amar e ser amada. Eloisa de Argenteuil, xa no século XII, enfróntase ao Inferno por escoitar á súa carne; Simone de Beauvoir empéñase en destruír calquera rastro burgués no amor; Ninon de Lenclos rexeita todos os seus tópicos; George Sand busca mordelo ata sangrar, Mary Wollstonecraft está disposta a ceder todas as súas liberdades polo seu ser adorado; tamén a brillante Charlotte Brontë implora o afecto dun home casado como un esmoleiro un anaco de pan. Mentres unha moza María Zambrano envorca nas súas cartas de namorada. un profundo anhelo de matrimonio, Mariña Tsvietáieva busca no amor sen límites a fonte da súa inspiración poética; Julie de Lespinasse é capaz de amar a dous homes por igual; Emilia Pardo Bazán revélase con gran sensualidade escribindo a Galdós, e loita por manter en segredo a súa relación....

Xunto a estas cartas reveladoras, Angeles Caso preséntanos as biografías de cada autora -unha sorte de <>- e as historias que lles deron orixe: un mapa da sensibilidade feminina ao longo do tempo. Un libro para ler, reler e atesourar.

3º-4º ESO

1º-2º BAC