Maggie é filla dun angloparlante e dunha francocanadiense, e entre as ambicións do seu pai non está a posibilidade de que a súa filla case con Gabriel Phénix, un mozo francés de clase baixa. Cando Maggie queda embarazada aos quince anos, os seus pais obrígana a dar en adopción a Elodie apenas nace, para reorientar a súa vida.
Elodie crece no «fogar de nenas indesexadas», un sitio ao que van todos os bebés nados «en pecado», que forma parte do empobrecido sistema de orfanatos de Quebec.
A vida de Elodie é bastante inestable e dá un xiro tráxico cando ela e miles de orfos son declarados enfermos mentais como consecuencia dunha nova lei que prové máis fondos para os hospitais psiquiátricos que para os orfanatos.
Maggie, que agora está casada cun banqueiro que desexa empezar unha familia, non pode esquecer á filla que foi obrigada a abandonar. E o pasado parece empeñado en visitala unha e outra vez, ata que, dez anos máis tarde, un reencontro fortuíto con Gabriel enfróntaa a unha decisión desgarradora.