O papel do profesor na clase é axudar aos alumnos, non unicamente proporcionarlles información.
Os impulsores desta metodoloxía educativa chegaron a ela ao exporse estas preguntas: Como pode un só profesor personalizar a educación de tantos estudantes? Como pode asegurarse de que cada alumno aprende, cando hai tantas metas e obxectivos que alcanzar? Que pasaría se gravásemos as nosas exposicións, os alumnos visen o vídeo como tarefa e logo dedicásemos todo o tempo da clase para axudalos cos conceptos que non entenden? Deste xeito naceu a 'clase ao revés', que centra a atención en cada alumno e o seu propio ritmo de aprendizaxe.Isto supón que cada alumno estude en casa ao seu propio ritmo, unha maior participación en clase, traballar en equipo, dedicar tempo a expor dúbidas, organizar debates e ofrecer aos alumnos a oportunidade de expresar os contidos da maneira máis acorde coa súa forma persoal de aprender. 'Dar a volta' á clase asegura que os alumnos reciben unha educación personalizada, deseñada á medida das súas necesidades individuais. Como afirma Marc Prensky no prólogo deste libro: 'O vello papel educativo de `transmitir información´ foi substituído agora por `ensinar aos estudantes para ensinarse a si mesmos´'.